Fréttir eftir árum

Skv. niðurstöðu Heilbrigðisráðuneytisins og með vísan til 1. mgr. 4. gr. reglugerðar nr. 356/2021, um takmörkun á skólastarfi vegna farsóttar, getur skólasund hafist á ný á morgun, mið. 7/4 þó svo að sundstaðir séu almennt lokaðir til 15/4.

Staðnám getur hafist að nýju á öllum skólastigum eftir páskafrí með ákveðnum takmörkunum, í samræmi við tillögur sóttvarnalæknis. Ný reglugerð um takmörkun á skólastarfi tekur gildi á morgun, 1. apríl, og gildir til 15. apríl. Reglugerðin er þess eðlis að skólastarf verður að mestu leyti með venjubundnu sniði eftir páska þó innan þeirra marka sem reglugerðin setur hverju skólastigi. Á grunnskólastigi er verið að athuga með undaþágu vegna skólasunds þar sem sundalugar eru lokað til 15. apríl. Kennsla í grunnskólum á höfuðborgarsvæðinu hefst kl. 10.00, þriðjudaginn 6. apríl en annað skólastarf er samkvæmt venju. Í Lágafellsskóla hefst kennsla á elsta stigi skv. stundaskrá kl. 9:55 og rúta fyrir 8.-GG og 8.-LH fer 9:50 en íþróttatíminn þeirra að Varmá hefst kl. 10:05. ATH. að kennsla hjá 9.-GH og 9.-HP hefst samt ekki fyrr en 10:40 skv. stundaskrá þeirra. Kennsla hjá 1. – 7.bekk hefst kl.10:00.

Í ljósi hertra sóttvarnareglna sem taka gildi á miðnætti 25/3, og kynntar voru á upplýsingafundi Almannavarna kl. 15:00 í dag 24/3, verður ekkert skólastarf í Lágafellsskóla eða Frístund á morgun fimmtudaginn 25. mars og föstudaginn 26. mars. Eftir það tekur við páskafrí. Upplýsingar um hvaða skipulag tekur við eftir páskafrí kemur síðar þegar ljóst er hvaða reglur verða í gildi þá.

Innritun í grunnskóla Mosfellsbæjar fyrir skólaárið 2021-2022 fer fram í gegnum Íbúagátt Mosfellsbæjar. Innritun 6 ára barna sem hefja grunnskólagöngu haustið 2021 fer fram frá 8. mars til 26. mars.

Skóladagatal næsta árs fyrir Lágafellsskóla og leikskólann Höfðaberg má finna á heimasíðunni undir flipanum Skólastarfið og svo neðst undir skóladagatal - http://www.lagafellsskoli.is/skolastarfid/skoladagatal/

Íþrótta- og Ólympíusamband Íslands og Ungmennafélag Íslands vilja vekja athygli á bæklingi sem gefinn hefur verið út á átta tungumálum um ávinning þess að stunda íþróttir með íþróttafélagi. Bæklingurinn er ætlaður foreldrum barna af erlendum uppruna, en rannsóknir hafa sýnt að þátttaka þessara barna er um helmingi minni en barna af heimilum þar sem töluð er íslenska. Bæklingana er bæði hægt að nálgast í rafrænu formi á heimasíðum samtakanna www.isi.is og www.umfi.is en einnig í prentuðu formi á skrifstofum þeirra. Bæklingarnir eru til á arabísku, ensku, filippeysku, íslensku, litháísku, pólsku, tælensku og á víetnömsku.

Skráning í sumarleikskóla sumarið 2021 Sumarleyfistímabil leikskóla Mosfellsbæjar er frá 15. maí. - 31. ágúst. Leikskólagjald fellur niður einn mánuð á ári, júlímánuð. Sumarleyfi barna er fjórar vikur (20 virkir dagar) sem þurfa að vera samfelldar. Hægt er að bæta við fimmtu vikunni í sumarleyfi og fellur leikskólagjald niður fyrir þá viku líka. Frá og með 9. júlí til og með 6. ágúst (4 vikur) er gert ráð fyrir að starfsemi leikskóla Mosfellsbæjar verði sameinuð í sumarleikskóla sem verður á Hlaðhömrum.

Inn á heimasíðuna eru komnar niðurstöður frá Rannsókn og greiningu 2020 sem gerð var meðal nemenda í 8.-10.bekk. Þessi skýrsla er fyrir allan Mosfellsbæ samanborin við landið. Þarna eru skýrslur bæði fyrir febrúar og október og því hægt að sjá að einhverju leiti hvaða áhrif Covid-19 hafði á líðan nemenda.

Gleðilegt nýtt ár kæru nemendur og foreldrar Þriðjudag 5.janúar og miðvikudag 6.janúar verður kennt skv. því skipulagi sem var í gildi í fyrir áramót.