Stelpur og tækni í 9.bekk

Fimmtudaginn 3.maí var stelpunum í 9.bekk boðið á viðburðinn Stelpur og tækni sem haldinn var í fimmta sinn. Dagurinn er haldinn af Háskólanum í Reykjavík í samvinnu við Samtök iðnaðarins, SKÝ og LS Retail. Tilgangurinn er að kynna möguleika í tækninámi og störfum fyrir stelpum í 9. bekk grunnskóla, kynna þær fyrir fyrirmyndum í tækni og opna augu þeirra fyrir þeim framtíðarmöguleikum sem tæknigreinar bjóða. 

Stelpurnar okkar fengu að prófa og sjá margt þennan dag, fóru í heimsókn til Vodafone og 365 fyrir hádegi og síðan eftir hádegi voru vinnustofur þar sem þær fengu að spreyta sig í forritun og tölvutengdum verkefnum. Stelpurnar voru sér og skólanum okkar til mikillar fyrirmyndar. Framtíðin er svo sannarlega björt.

Hér má sjá myndir frá deginum