Fréttir

Bólusetningar 12-15 ára barna á höfuðborgarsvæðinu eru fyrirhugaðar 23. og 24. ágúst í Laugardalshöll. Foreldrar sem þiggja bólusetningu fyrir börn sín eru beðnir um að fylgja börnum sínum og þannig veita þeir samþykki fyrir bólusetningunni. Foreldrar munu sitja við hlið barna sinna í bólusetningunni. Boð verða ekki send en foreldrar eru beðnir um að mæta með börnum sínum eftir eftirfarandi skipulagi:

Skólaslit í Lágafellsskóla vorið 2021 Skólaslit verða hjá 1. – 9. bekk skólans miðvikudaginn 9. júní. Nemendur mæta til stuttrar athafnar í stofuna sína, þar fá þeir afhentan vitnisburð og kveðja kennarann sinn. Skólaslitin eru án foreldra í þetta sinn. Kl. 10:00 - 10:30 1. - 4. bekkur Kl. 10:30 - 11:00 5. - 7. bekkur Kl. 11:00 - 11:30 8. - 9. bekkur Útskrift nemenda í 10. bekk verður í sal skólans, mánudaginn 7.júní kl:18:00.

Inn á vef skólans, undir skólastarfið, má finna þá valáfanga sem er í boði á næsta skólaári.

Enn og aftur hefur bókasafnið móttekið góða peningagjöf frá Foreldrafélagi skólans. Að þessu sinni var mikið keypt af borðspilum og einnig bækur. Á myndinni má sjá hluta af þessum gjöfum sem munu nýtast nemendum á öllum aldursstigum.

Skv. niðurstöðu Heilbrigðisráðuneytisins og með vísan til 1. mgr. 4. gr. reglugerðar nr. 356/2021, um takmörkun á skólastarfi vegna farsóttar, getur skólasund hafist á ný á morgun, mið. 7/4 þó svo að sundstaðir séu almennt lokaðir til 15/4.

Í ljósi hertra sóttvarnareglna sem taka gildi á miðnætti 25/3, og kynntar voru á upplýsingafundi Almannavarna kl. 15:00 í dag 24/3, verður ekkert skólastarf í Lágafellsskóla eða Frístund á morgun fimmtudaginn 25. mars og föstudaginn 26. mars. Eftir það tekur við páskafrí. Upplýsingar um hvaða skipulag tekur við eftir páskafrí kemur síðar þegar ljóst er hvaða reglur verða í gildi þá.

Innritun í grunnskóla Mosfellsbæjar fyrir skólaárið 2021-2022 fer fram í gegnum Íbúagátt Mosfellsbæjar. Innritun 6 ára barna sem hefja grunnskólagöngu haustið 2021 fer fram frá 8. mars til 26. mars.

Skóladagatal næsta árs fyrir Lágafellsskóla og leikskólann Höfðaberg má finna á heimasíðunni undir flipanum Skólastarfið og svo neðst undir skóladagatal - http://www.lagafellsskoli.is/skolastarfid/skoladagatal/

Íþrótta- og Ólympíusamband Íslands og Ungmennafélag Íslands vilja vekja athygli á bæklingi sem gefinn hefur verið út á átta tungumálum um ávinning þess að stunda íþróttir með íþróttafélagi. Bæklingurinn er ætlaður foreldrum barna af erlendum uppruna, en rannsóknir hafa sýnt að þátttaka þessara barna er um helmingi minni en barna af heimilum þar sem töluð er íslenska. Bæklingana er bæði hægt að nálgast í rafrænu formi á heimasíðum samtakanna www.isi.is og www.umfi.is en einnig í prentuðu formi á skrifstofum þeirra. Bæklingarnir eru til á arabísku, ensku, filippeysku, íslensku, litháísku, pólsku, tælensku og á víetnömsku.

Skráning í sumarleikskóla sumarið 2021 Sumarleyfistímabil leikskóla Mosfellsbæjar er frá 15. maí. - 31. ágúst. Leikskólagjald fellur niður einn mánuð á ári, júlímánuð. Sumarleyfi barna er fjórar vikur (20 virkir dagar) sem þurfa að vera samfelldar. Hægt er að bæta við fimmtu vikunni í sumarleyfi og fellur leikskólagjald niður fyrir þá viku líka. Frá og með 9. júlí til og með 6. ágúst (4 vikur) er gert ráð fyrir að starfsemi leikskóla Mosfellsbæjar verði sameinuð í sumarleikskóla sem verður á Hlaðhömrum.