Að vanda var haldið upp á Öskudaginn hér í Lágó. Í tilefni dagsins mættu nemendur og starfsfólk á öskudagsball hjá Svanný danskennara, flestir voru í búningum.
Í hádeginu voru snæddar pizzur og svo ís í eftirrétt.
Skemmtunin fór mjög vel fram og allir fóru ánægðir heim.
Smelltu hér til að skoða fleiri myndir.
Í dag föstudaginn 17. febrúar kl. 16:00-18:00, verður opnaður síðari hluti sýningarinnar HUXI! Nemendur úr 10. bekk Lágafells- og Varmárskóla hafa sett upp verk sem þeir hafa unnið undir áhrifum frá verkum Hugleiks og Arnars á sýningunni.
Við hvetjum alla til að kíkja inn og sjá upprennandi listamenn sýna verk sín.
Allir velkomnir og aðgangur ókeypis.
Í gærkvöldi hélt nemendaráðið "Rósaball" fyrir nemendur 8. -10. bekkja Lágafellsskóla og Varmárskóla.
Allir mættu í sínu fínasta pússi, skemmtu sér mjög vel og voru sjálfum sér og sínum skóla til sóma.
Mánudaginn 20. febrúar er bolludagur. Þá hefur verið sú hefð að nemendur mega koma með bollu í skólann til að borða í nestinu.
Miðvikudaginn 22. febrúar er öskudagur. Þetta er skóladagur og eru nemendur og starfsfólk hvatt til að koma í búningum í skólann.
Vikan 12.-19. febrúar er kærleiksvika í Mosfellsbæ. Nemendur og starfsfólk skólans leggja sitt af mörkum með ýmsum viðburðum til að auka kærleikinn í kringum sig.
Nemendur Listaskóla Mosfellsbæjar héldu tónleika í dag í Hátíðasalnum. Nemendum 1.-6. bekkja var boðið upp á fjölbreytta dagskrá.
Spilað var á margskonar hljóðfæri við góðar undirtektir.
Gaman er að sjá hversu margir nemendur Lágafellsskóla stunda einnig nám í Listaskóla Mosfellsbæjar. Við þökkum kærlega fyrir góða upplifun.
Í hádeginu í dag fengum við góða gesti úr Verslunarskóla Íslands í heimsókn. Þar voru á ferð nemendur að kynna söngleikinn Bugsy Malone sem Nemendafélag skólans er að sýna um þessar mundir í Austurbæ.
Föstudagurinn 4. febrúar var "Dagur stærðfræðinnar".
Í því tilefni fengu nemendur 1. bekkja að æfa sig í talningu og töldu kubba, legó, kappla og steina.
Smelltu hér til að skoða vef Flatar samtaka stærðfræðikennara.
Nemendur 1. bekkja héldu upp á hundraðasta skóladaginn í dag. Þau voru búin að föndra grímur og kramarhús í telefni dagsins. Kramarhúsin fylltu þau með 100 stk. af ýmsu góðgæti sem þau snæddu á meðan þau horfðu á mynd um "Bólu".
Allir voru mjög stilltir og prúðir og skemmtu sér vel.
Um allt land var Skákdagurinn haldinn hátíðlegur fimmtudaginn 26. janúar á afmælisdegi fyrsta stórmeistara Íslendinga Friðriks Ólafssonar.
Í Lágafellsskóla var haldið skákmót hjá hópi nemanda í 4.bekk sem eru í skákkennslu í sérgreinum. Skákmótið fékk nafnið Litla Friðriksmótið. Teflt var eftir Monrad kerfi, 6 skákir og var hver skák 8 mínútur. Verðlaun voru veitt fyrir 3 fyrstu sætin. Sigurvegari mótsins var Helgi Freyr Davíðsson 4. JH í öðru sæti var Jakob Mattíasson 4. DK og í þriðja sæti var Silja Rún Högnadóttir 4. JH.
Á síðunni má nú nálgast lokaskýrslur og umbótaáætlanir foreldrakönnunar, nemendakönnunar og starfsmannakönnunar sem lagðar voru fyrir á síðasta skólaári. Niðurstöður hafa verið kynntar starfsfólki og í framhaldi af því hafa vinnuhópar unnið að sameiginlegri sýn að umbótum.
Kannanir eru undir flipanum upplýsingar en einnig má smella hér
Við minnum á viðbragðsáætlun vegna óveðurs sem er að finna hér til hliðar undir upplýsingar en einnig má smella hér
Sú meginregla gildir að skólahald fellur ekki niður vegna veðurs. Forráðamenn skulu þó meta ef um óveður er að ræða hvort þeir senda börn sín til skóla eða ekki. Undantekningarlaust skal þó hringja á skrifstofu skólans og tilkynna ef forráðamenn ákveða að hafa börn sín heima. Stjórn Slökkviliðs höfuðborgarsvæðisins (SHS), skipuð framkvæmdastjórum sveitarfélaganna á höfuðborgarsvæðinu, fól SHS að útbúa, í samvinnu við fræðsluyfirvöld allra sveitarfélaganna, reglur fyrir foreldra og skólayfirvöld um röskun á skólastarfi vegna óveðurs. Jafnframt var ákveðið að fylgst verði með veðri og veðurspám og senda út tilkynningar í samræmi við þessar reglur, eftir atvikum í samráði við slökkvilið, lögreglu, fræðsluyfirvöld og aðra.
Eftirtaldar breytingar verða á gjöldum er varða nemendur í Lágafellsskóla frá áramótum.
Gjaldskrá Frístundasels, smella hér
Gjaldskrá mötuneytis, smella hér og ávaxtabitinn fer í 100 kr. á dag.
Gjaldskrá leikskóladeildar og tekjuviðmið (Nýtt) vegna niðurgreiðslu gjalda, smella hér
Reglur um systkinaafslátt, smella hér. Umsókn um systkinaafslátt fer fram í gegnum íbúagátt.
Starfsmenn Lágafellsskóla óska nemendum og fjölskyldum þeirra gleðilegra jóla og farsæls nýs árs með þakklæti fyrir samstarfið og samveruna á árinu sem senn er liðið.
Kennsla hefst að nýju fimmtudaginn 5. janúar samkvæmt stundaskrá.
Jólakveðja, Starfsmenn Lágafellsskóla.
Smelltu hér til að skoða myndir frá jólaböllum 1.-7. bekkja.
Í gærkvöldi var haldið hið árlega jólaball 8.-10. bekkja. Allir mættu í sínu fínasta pússi og voru sjálfum sér og skólanum til sóma. Jón Jónsson kom og hélt uppi stuðinu á ballinu.
Allir skemmtu sér mjög vel og fóru glaðir inn í langþráð jólafrí.
Smelltu hér til að skoða fleiri myndir.
Í morgun fengu nemendur 1. bekkja ánægjulega heimsókn þegar félagar úr Kiwanisklúbbunum Mosfelli og Geysi komu færandi hendi. Félagarnir færðu nemendum húfu sem bæði ver barnið gegn kulda og er afar vel búin endurskinsmerkjum. Þetta er liður í verkefninu "Sjáumst betur í vetur".
Við færum Kiwanisfélögum kærar þakkir fyrir góða gjöf.
Smelltu hér til að skoða fleiri myndir.
Hinn árlegi helgileikur í 5.bekk var sýndur í Lágafellskirkju 13.-15. des.
Fyrirkomulagið í ár var með því móti að hver bekkur átti sinn sýningardag og voru sýningar því fleiri en venjulega og rýmra um kirkjugesti. Allir nemendur stóðu sig með stakri prýði og gerðu helgileiknum hátíðleg skil.
Smelltu hér til að skoða fleiri myndir.
Skóræktarfélag Mosfellsbæjar ákvað að gefa leik- og grunnskólum bæjarins jólatré. Skólavinirnir í 1. og 6. bekk fengu það verkefni að velja tréð. Mikil gleði og ánægja ríkti í hópnum þegar þau lögðu undir sig fót og fóru í Hamrahlíðarskóg til að velja tréð.
Við þökkum Skóræktarfélagi Mosfellsbæjar kærlega fyrir þessa góðu gjöf.
Smelltu hér til að skoða fleiri myndir.
Áhugaverð grein eftir Róbert Ragnarsson, bæjarstjóra í Grindavík.
Nemendum yngsta- og miðstigs var boðið á leiksýningu í morgun. Á ferðinni voru nemendur í leiklistavali 9. og 10. bekkja Lágafells- og Varmárskóla.
Sýningin tókst mjög vel og greinilega miklir hæfileikar í hópnum.
Takk fyrir okkur.
Smelltu hér til að skoða fleiri myndir.
5. desember fóru nemendur 6. árgangs að skoða Snorralaug í Reykholti í Borgarfirði.
Í dag var Lágafellskóli skreyttur hátt og lágt. Jólatónlist, ilmur af heitu kakói og smákökum bárust um alla ganga. Að verki voru nemendur, foreldrar/forráðamenn og starfsfólk skólans.
Mikil gleði ríkti og einkunnarorð skólans "Samvera, Samvinna og Samkennd" voru næstum áþreifanleg.
Smelltu hér til að skoða fleiri myndir.
Föstudaginn 2. des. er hinn árlegi skreytingardagur okkar í Lágafellsskóla.
Af því tilefni verður opið hús hjá hverjum árgangi skólans í 80 mín. og bjóðum við foreldrum/forráðamönnum að koma og njóta samverunnar með sínu barni/börnum.
Rithöfundarnir, Margrét Örnólfsdóttir og Kristín Helga Gunnarsdóttir, komu í heimsókn á miðstigið þripjudaginn 8/11. Þær lásu úr verkum sínum, kynntu nokkrar sögupersónur sérstaklega fyrir nemendum, útskýrðu hvaðan þær fengju hugmyndir af umhverfi og persónusköpun og í lok heimsóknarinnar fengu nemendur að spyrja þær nokkurra spurninga um þær sjálfar og verk sín.
Nemendum fannst þessi heimsókn mjög fræðandi og skemmtileg og sumir notuðu tækifærið og fengu eiginhandaáritun hjá þeim í lokin.
Í gærkvöldi hélt nemendaráð Lágafellsskóla Halloweenball fyrir nemendur unglingadeildar. Margar furðuverur mættu á svæðið.
DJ Daði Freyr, Gulli og Stebbi héldu uppi stuðinu og stóðu sig frábærlega í því hlutverki. Þeir eru allir fyrrverandi nemendur skólans. Allir skemmtu sér mjög vel og voru á allan hátt til sóma.
Nokkrir nemendur í 7. bekk fóru í heimsókn á vistheimilið að Eirhömrum þar sem þeir heimsóttu eldri borgara bæjarins. Þetta verkefni er samstarfsverkefni Rauða krossins, Eirhamra, Lágafells- og Varmárskóla.
Það kemur sjálfboðaliði frá Rauða krossinum og sækir krakkana í skólann. Þau heimsækja síðan gamla fólkið á Eirhömrum og stoppa þar í einn og hálfan tíma. Nemendum er frjálst að taka þátt í þessum heimsóknum en 6 nemendur fara hverju sinni. Við heimsækjum Eirhamra tvisvar á þessari önn.
Þetta er skemmtilegt samstarf þar sem bilið er brúað á milli ungu og eldri kynslóðarinnar.
7. bekkur skólans fór í ferðalag á Úlfljótsvatn dagana 10.-11. október þar sem gist var eina nótt. Ferðin tókst afar vel og allir skemmtu sér frábærlega og voru sjálfum sér og skólanum til sóma.
Þriðjudaginn 4.okt. þrömmuðu nemendur leikskóladeildar til 4. bekkjar niður í Álafosskvosina þar sem boðið var upp á tónleika með hljómsveitinni Pollapönk.
Allir skemmtu sér mjög vel og voru sjálfum sér og skólanum til sóma.
Smelltu hér til að skoða fleiri myndir.
Á dögunum heimsóttu nemendur 6. bekkja skólavini sína í 1. bekk og færðu þeim sundpoka að gjöf. Þessi hefð hefur verið við lýði undanfarin ár. Eins og sjá má á meðfylgjandi myndum voru nemendur mjög ánægðir með þessa gjöf.
Smelltu hér til að skoða fleiri myndir.
