Vorhátíð 5 ára og 1. - 6. bekkjar

Miðvikudaginn 15.maí verður haldin vorhátíð 5 ára nemenda á Höfðabergi og nemenda í 1.- 6. bekk Lágafellsskóla. Nemendur hafa undanfarið æft skemmtiatriði sem flutt verða á sviði skólans og er foreldrum og systkinum sérstaklega boðið að koma og njóta þessara skemmtiatriði í hátíðarsal skólans.

Þrjár sýningar verða þennan dag og stendur hver þeirra yfir í ca. 50 mínútur og eru gestir beðnir um að mæta stundvíslega áður en sýning hefst og sitja þar til sýningu lýkur.

kl. 16:45

Leikskóladeild, 2.GK, 2.JS, 3.LÞ, 4.GEA, 5.HD og 6.AM

kl. 18:00

Helmingur af 1.bekk, 2.GH, 2.LT, 3.JKJ, 4.RG, 5.MLG og 6.AH

kl. 19:00

Helmingur af 1.bekk, 3.HES, 4.DBS, 5.HG, 6.ÁPR og 6.GIS

Nemendur skulu mæta í sína stofu 15 mínútum áður en sýning þeirra hefst og verða í umsjón umsjónarkennara þar til foreldrar sækja þá í stofuna að lokinni sýningu. Ekki er gert ráð fyrir að nemendur sitji í salnum þá sýningu sem þeir taka þátt í.  Hins vegar eru þeir velkomnir á aðrar sýningar t.d. þegar systkini eru að sýna og þá í fylgd foreldra/forráðamanna og eru þar á þeirra ábyrgð. Nemendur í leikskóla verða í stofu 205, 1. bekkur kl. 18 á bókasafni, 1 bekkur kl. 19 í stofu 205, 2.GK og 2.JS í stofu 104, 2.GH og 2.LT í stofu 105.

Fyrir framan stofur 204 og 205 verður starfrækt veitingasala á vegum foreldra 6. bekkinga. Þar geta gestir keypt ýmsar veitingar fyrir og eftir sýningu. Allur ágóði af veitingasölu rennur í ferðasjóð 6. bekkjar vegna ferðar árgangsins í Vatnaskóg næsta haust. Hægt verður að greiða með greiðslukortum.

Frítt er inn á sýningarnar

Hlökkum til að sjá ykkur og vonum að sem flestir sjái sér fært að mæta

Með bestu vorkveðju,

starfsfólk Lágafellsskóla

Smella hér til að sjá sem pdf