logo
  • Samvera -
  • Samvinna -
  • Samkennd

Endurskinsvesti að gjöf til nemenda í 1. og 2. bekk

06/09/2017

Í dag, þriðjudaginn 5. september, fengu öll börn í 1. og 2. bekk í Mosfellsbæ afhent til eignar endurskinsvesti frá Heilsuvin, heilsueflandi samfélagi í Mosfellsbæ, í samvinnu við TM.

Þetta er gjöf sem kemur í góðar þarfir þegar verkefnið Göngum í skólann hefst formlega á morgun.
Nauðsynlegt er að vera vel merktur í umferðinni nú þegar skyggja fer.Í myrkri sjást gangandi vegfarendur illa þrátt fyrir götulýsingu og ökuljós bifreiða og er notkun endurskins þess vegna nauðsynleg.
Vestin eru gefin í forvarnartilgangi og eiga að nýtast hið minnsta næstu tvö árin. Vinsamlega merkið vestið strax með nafni barnsins.

Það er góð regla að setja skólabarnið í vestið áður en skólataskan er sett á bakið. Hvoru tveggja á að vera jafn sjálfsagt.
Tökum höndum saman og aukum öryggi barnanna okkar í umferðinni.

Sjáum til þess að öll börn séu vel upplýst í skammdeginu!

Með bestu kveðju
Stjórnendur Lágafellsskóla/Höfðabergs

Til baka

Þessi síða notar vafrakökur Lesa meira