Mosforeldrar

Mosforeldrar- svæðisráð foreldra barna  í leik- og grunnskólum í Mosfellsbæ.

Öflugur málsvari foreldra,
aukið samstarf við bæjaryfirvöld

Foreldrar leik- og grunnskólabarna í Mosfellsbæ settu á fót samstarfsvettvanginn Mosforeldra árið 2007  til að vinna að sameiginlegum málefnum nemenda í leik- og grunnskólum sveitarfélagsins. Í ráðinu eiga nú sæti 6 fulltrúar.

Mosforeldrar eða svæðisráð foreldra í Mosfellsbæ er samstarfsvettvangur foreldrafélaga í leik- og grunnskólum bæjarins og er málsvari leik- og grunnskólanemenda í sveitarfélaginu. Tilgangur svæðisráðsins er að styrkja rödd foreldra sem hagsmunahóps í sveitarfélaginu og sameina krafta þeirra til góðra verka í skólamálum. Ráðið vinnur að sameiginlegum málefnum nemenda í leik- og grunnskólum sveitarfélagsins og foreldra þeirra, veitir fræðslunefnd umsagnir um ýmis mál er varða starfsemi leik- og  grunnskóla og er bæjaryfirvöldum til aðstoðar og ráðuneytis um skóla- og fjölskyldumál.

Mosforeldrar/svæðisráðið er tengiliður foreldra á svæðinu við Heimili og skóla, landssamtök foreldra og tilnefnir fulltrúa til setu í fulltrúaráði samtakanna. Jafnframt kýs ráðið sér fastan fulltrúa til setu sem áheyrnarfulltrúi með málfrelsi og tillögurétt á fundum fræðslunefndar sveitarfélagsins eins og mælt er fyrir í 6. grein grunnskólalaga.

Foreldrafélög eru nú lögbundin í grunnskólum og foreldrar eiga fulltrúa í skólaráðum sem komu til með grunnskólalögum sem tóku gildi s.l. sumar. Í leikskólum starfa foreldraráð og eru svæðisráðin samráðsvettvangur þeirra sem kosnir eru til trúnaðarstarfa í foreldrafélögum og foreldraráðum.

Meginmarkmið Mosforeldra er að standa vörð um hag barna á leik- og grunnskólaaldri.

Formaður Mosforeldra er Elín Rósa Finnbogadóttir og hægt er að senda erindi á tölvupóstfangið mosforeldrar@mos.is

Fundir eru haldnir reglulega þar sem mörkuð er stefna um þau verkefni sem Mosforeldrar vinna að.

Í svæðisráðinu eiga eftirtaldir fulltrúar sæti:

Lágafellsskóli:	Elín Rósa Finnbogadóttir og Margrét Pálsdóttir
Varmárskóli:	Gunnar Haugen og Inga Lilja Lárusdóttir
Krikaskóli:	Íris Björg Kristjánsdóttir
Fulltrúi leikskóla Mosfellsbæjar:	Svanhildur Pétursdóttir

 

    
          

 

---